Bèpi el volea ndar a un baile de fantasia, ma come che lera mezo mal ciapà de soldi, l`è ndà dimandarghe na sugestione al so amico Tóni.

Bèpi el volea ndar a un baile de fantasia, ma come che lera mezo mal ciapà de soldi, l`è ndà dimandarghe na sugestione al so amico Tóni. - Varda, Tóni – el ghe gà dito - mi gavaria voia ndar al baile de fantasia, ma come che son mezo mal ciapà de soldi, sito mia bon de darme na idea de come che gao de ndar? Tóni el gà pensà, el gà pensà... e dopo el ghe gà dito: - Speta un pochetin, che me gà saltà fora na bona idea: Tóni l’è ndà lá soto el vignal, el gà ciapà na foia de vigne e la ghe gà portada. - Varda quá, Bépi: se te vol próprio guastar gnente, te ciapi che a foia quà e te vè vestio co la fantasià de Adamo: nudo. Te mìti sol che a foieta quà davanti, e pronto. - Ah, nò, Tòni, che a foieta li la ze massa picinina. I lo vede tuto intiero. - Lora speta nantro pochetin. Tóni l’è ndà lá te l’orto, el gà ciapà na foia de capuci e la ghe gà portada lá a Bèpi. - E questa quà, te sèrvela, adesso? - A ze massa pìcola anca quela. Te garanto mi che’l resta metà fora. - Ben, speta che vao tórghene nantra, lora. Tóni l’è ndà lá fora, e el gà ciapà na foia de bananera. - Adesso si, Bépi, son securo, che con questa quà no ghe ze perìcoli. - Nó, nó, nó... pa’l me càlculo, ncora no la sconde mia tuto...Te garanto che ghin resta fora un bel toco. - Ben, ben... lora se te dízi che l’è grando, Bèpi, ciapa, pìchelo te na rècia, e và fantasiado de bomba de gasolina, pó...E che la sìpie fenia...