La Zurema no la vedea ora de catarse fora un moroso, parchè la gavea belche passà via i vinti quatro ani. Ma gràssie a Dio, un sabo de sera ghen’era el baile ntel salon dea cesa, e a mama e el pupà dea Zurema i ze ndai de acordo de dassar che la fiola la ndesse a sto baile, par veder se la se desincaliea fora de na volta.

La Zurema no la vedea ora de catarse fora un moroso, parchè la gavea belche passà via i vinti quatro ani. Ma gràssie a Dio, un sabo de sera ghen’era el baile ntel salon dea cesa, e a mama e el pupà dea Zurema i ze ndai de acordo de dassar che la fiola la ndesse a sto baile, par veder se la se desincaliea fora de na volta.

Ciò, la se gà paricià de acordo: la se gà tomà bagno, pintà le òngie, pintà i lavri, la se gà passà glostora da par tuto e la ze ndata. La mama la ze restada casa a dir su el rosàrio, pregar a Sant’Antoni, e la gà fin impià due candele: una a San Giorgi e una a la Madona, quela che sdrefa i grupi.
Quando che la fiola la ze rivada casa, a le due dea matina, la mama la zera là che la spetea, sentada ntel caregon.

– E alora, fiola, come zeo stà el baile? Gheto catà fora el moroso sta volta?
– Siii… Mama…
– Parla basseto, fiola, che’l pai l’è ndrio dormir!
– Mama, sta volta mi cato que me marido?
– Ma de colpo cossita? De che fameia zeo? Zeo un brasilian o un talian? Laòrelo onde?
– Ma mi no sò gnente, mama. Gò gnanca bio tempo de parlar tanto.
– Si, ma intanto che balávino, ghe gheto mia dimandà gnente?
– Gavemo gnanca balà, mama. Lu el gà un fucheta e el me gà incunvidà Che ndéssino smorosar rento ntel fuca.
– Maria Santíssima, rento ntel fuca? Parla basso, che se’l pai el te scolta el te copa. Ma gavio fato chè, mò, rento ntel fuca?
– Ah… Gavemo fato quel che si ndrio pensar!
– Ma come, lora?
– Ntel assento davanti?
– Ntel assento davanti? Sito mata, fiola? Cossa ze che te gavemo ensegnà, mi e to pare?
– Mi ghe go dito al me moroso, che zera pa ndar ntel assento de drio, che ghe zera de pi posto, ma lu el gà volesto…
– Segnor benedeto, fiola? Far un laoro de quei lì? Ma zèrito onde coa testa, fiola?
– Ntel parabrisa del fuca, mama!
Alora l’è stà el colpo che la mama la se gà trato ndrio schena...